ХОТЯ БЫ КИНОДА 4 | официальный трейлер

Түрмеден босап шыққаннан кейін Қайраттың өмірі күйрейді: әйелімен ажырасып кетеді, балаларымен кездесуге тыйым салынады. Бірақ ол бәрібір олардың өмірін жасырын бақылап жүреді.

Бір кездері Қазақстандағы қылмыстық әлемге араласқан Нұржан Вьетнамға қоныс аударып, ресми түрде шай бизнесімен айналысып жүреді.

Қазақстанның арнайы қызметі — ҰҚК Қайратқа шығады. Оның міндеті — Нұржанды аман-есен Қазақстанға қайтару.

Қайраттың серіктесі болып кезінде оның өмірін тас-талқан еткен Гүлназ тағайындалады. Онымен жалғыз жұмыс істегісі келмеген Қайрат көмекке бұрынғы майдандасы Шерханды шақырады. Сүйіктісі Қарлығаштан айырылғаннан кейін Шерхан тауда жалғыз өмір сүріп жүрген еді. Нұржанның суретін көрген сәтте ол кек алу үшін операцияға қосылуға шешім қабылдайды.

Команда Вьетнамға аттанады. Жоспар бойынша олар Нұржанның сеніміне кіріп, оны Қазақстанға алып келуі керек еді. Алайда кекке булыққан Шерхан операцияны бұзып, Нұржанды өлтірмек болады. Қайрат тапсырманы сақтап қалу үшін жауын досынан қорғауға мәжбүр болады.

Осы кезде Гүлназ Нұржанды арбап, оның ақшасымен бірге қашып кетуді жоспарлайды. Байлық үшін ол командасына опасыздық жасауға да дайын еді. Бірақ күтпеген жерден Нұржанның әйелі Нұргүл араласады. Шындықты білген ол соңғы сәтте Қайрат пен Шерханды құтқарып, Нұржанды ұстауға көмектеседі.