Үлкен балық пен Бегония

«Үлкен балық пен Бегония» анимесі не туралы:
Бұл — сиқырлы әлемде өмір сүретін қыз бен адам әлеміндегі баланың арасындағы әсерлі оқиға туралы фэнтези аниме. Адамдарға беймәлім тылсым әлемде ерекше жаратылыстар өмір сүреді. Олар табиғатты, жыл мезгілдерін, толқындар мен уақытты басқара алады.

Басты кейіпкер Чунь 16 жасқа толып, дәстүр бойынша адам әлеміне барып көру үшін дельфинге айналады. Алайда қатты дауыл кезінде ол су иіріміне түсіп кетеді. Сол сәтте қарапайым бір бала өз өмірін қатерге тігіп, Чуньді құтқарып қалады. Бірақ өзі қаза табады.

Баланың жанқиярлығына тәнті болған Чунь оның жақсылығын қайтару үшін жігітті қайта тірілтуді шешеді. Ол баланың жанын сақтау мақсатында оны кішкентай балыққа айналдырады. Осыдан кейін екеуін түрлі қауіпті оқиғалар күтіп тұрады. Қоршаған ортада балықты ұстап жеуді қалайтын жаулар көп болады.

Уақыт өте келе олар бір-біріне жақын досқа айналады. Бірақ олар екі түрлі әлемнің тұрғындары болғандықтан, бірге болу тағдырларына жазылған-жазылмағаны белгісіз еді.